Það er lokað hjá okkur 2. ágúst. Opnum aftur þriðjudaginn 3. ágúst kl 08:00.
Upplýsingar um neyðarnúmer má finna hér https://www.kraftvelar.is/neyd/
Undirritaður hefur verið samningur á milli Kraftvéla og Véltinda um að Véltindar taki við umboði fyrir Iveco atvinnubíla og sjái um sölu og þjónustu á þeim frá og með 4. janúar 2021.
Kraftvélar hafa selt Iveco atvinnubíla frá 2012 og hafa þeir notið sívaxandi vinsælda á undanförnum árum með breiðri vörulínu allt frá sendi- og pallbílum til stærri flutninga- og vörubíla.
Þjónusta og sala Iveco flyst til Véltinda við Klettagarða 12 þar sem Véltindar reka söluskrifstofu og varahlutaverslun auk þess sem öflugt þjónustuverkstæði fyrir Iveco er rekið í sama húsnæði á vegum Vélrásar.
Véltindar munu taka yfir ábyrgðarskuldbindingu þeirra Iveco bíla sem eru í verksmiðjuábyrgð ásamt því að taka við öllum þjónustusamningum vegna Iveco bíla sem nú eru í gildi við Kraftvélar auk þess að flytja inn og afhenda þá bíla sem nú þegar eru í pöntun frá verksmiðjum Iveco.
Að auki munu Véltindar yfirtaka allt frá Kraftvélum sem tilheyrir Iveco atvinnubifreiðum en þar ber helst að nefna alla nýja Iveco bíla á lager, alla Iveco varahluti og öll Iveco sérverkfæri.
Ívar Þór Sigþórsson, sölustjóri Iveco hjá Kraftvélum, er Iveco eigendum vel kunnugur og mun færa starfskrafta sína yfir til Véltinda samhliða þessum breytingum.
„Kraftvélar munu einbeita sér að vaxandi umsvifum í sölu á Komatsu vinnuvélum, Sandvik námutækjum og Toyota lyfturum ásamt landbúnaðartækjum frá New Holland, Case IH, Pöttinger, Weidemann og fleiri framleiðendum“ segir Viktor Karl Ævarsson, framkvæmdastjóri sölu- og markaðssviðs Kraftvéla.
„Við höfum átt farsælt samstarf við eigendur Iveco bíla á liðnum árum og það hefur verið gaman að fylgjast með stöðugri aukningu í sölu á Iveco bílunum hér á landi á undanförnum árum. Okkur líður vel að vita að nýtt heimili Iveco leggur höfuðáherslu á góða þjónustu, rétt eins og við höfum reynt að gera í gegnum árin“ segir Viktor einnig.
„Okkur finnst mikill fengur að fá Iveco atvinnubílana til okkar og þeir passa vel í það vöruframboð og fjölþætta þjónustu við atvinnubíla sem þegar er til staðar hjá okkur í Klettagörðum 12.
Við höfum góðan hóp fagfólks í okkar röðum sem hlakkar til að fá jafn trausta og öfluga atvinnubíla í vöuframboðið hjá okkur og Iveco er“ segir Salómon Viðar Reynisson, framkvæmdastjóri Véltinda.
Um Kraftvélar:
Kraftvélar hafa selt Komatsu vinnuvélar í tæp 30 ár og hafa byggt upp yfirgripsmikla þekkingu á sviði jarðvinnuvéla. Að auki eru Kraftvélar umboðsaðili fyrir Toyota lyftara sem hafa löngu sannað ágæti sitt á íslenskum markaði. Toyota er stærsti framleiðandi lyftara í heiminum og býður heildarlausn í lyfturum fyrir vöruhús, sjávarútveg og almenna vörumeðhöndlun. Þá er sala á landbúnaðartækjum og þjónusta við bændur vaxandi í starfsemi Kraftvéla á hverju ári.
Um Véltinda:
Véltindar ehf er nýtt fyrirtæki sem stofnað var til þess að taka við því góða starfi sem Kraftvélar hafa unnið í þágu Iveco vörumerkisins á liðnum árum. Hið nýja fyrirtæki byggir á góðum grunni starfsmanna sem hafa áralanga reynslu af sölu og þjónustu á atvinnubílamarkaði. Fyrirtækið starfar með öflugum þjónustuverkstæðum Vélrásar á höfuðborgarsvæðinu auk annara á landsbyggðinni. Véltindar leggja áhersu á að geta boðið heildstæðar lausnir til rekstraraðila í hverskyns vöruflutningum og hafa því einnig opnað nýtt umboð fyrir hina Þýsku Krone eftirvagna.
Nánari upplýsingar um Véltinda má nálgast á heimasíðu fyrirtækisins www.veltindar.is.
Kæru viðskiptavinir
Ákveðið hefur verið að stytta opnunartíma í varahlutaverslun Kraftvéla til þess að samræma hann við opnunartíma allra annara deilda innan fyrirtækisins.
Frá og með 1. október næstkomandi verður opnunartími í varahlutaverslun Kraftvéla frá klukkan 08:00 til 17:00 alla virka daga vikunnar.
Með fyrirfram þökk,
Kraftvélar ehf
Við hjá Kraftvélum leitum að þjónustufulltrúa í varahlutaverslun. Starfið felst í afgreiðslu og sölu á varahlutum.
Varahlutaverslun Kraftvéla sérhæfir sig í að útvega varahluti í allar tegundir vinnuvéla, lyftara og landbúnaðartækja.
Helstu verkefni og ábyrgð
Sala og afgreiðsla á varahlutum
Þjónusta og ráðgjöf til viðskiptavina
Halda uppi framúrskarandi þjónustustigi
Þáttaka í öðrum tilfallandi verkefnum
Menntunar- og hæfniskröfur
Viðkomandi þarf að hafa ríka þjónustulund og vera jákvæður
Þarf að hafa gott frumkvæði
Hæfileikar til að geta unnið undir álagi
Almenn þekking á landbúnaðar- og vinnuvélum mikill kostur
Góð almenn tölvukunnátta
Góð samskiptafærni á íslensku og ensku
Lágmarksaldur 20 ár
Nánari upplýsingar gefur Jóhanna Ágústsdóttir – johanna@kraftvelar.is
Áhugasamir sendi umsókn fyrir 30. ágúst á netfangið starf@kraftvelar.is. Öllum umsóknum verður svarað.
Við hjá Kraftvélum erum spennt að segja frá nýjum viðurkenndum þjónustuaðila okkar á suðurlandi, Vélaverkstæði Þóris.
Vélaverkstæði Þóris er rúmlega 20 ára gamalt fyrirtæki á Selfossi og ætti að vera öllum á svæðinu vel kunnugt. Þeirra meginstarfsemi eru viðgerðir á landbúnaðartækjum, vörubifreiðum og vinnuvélum ásamt smurþjónustu á öllum tækjum og bílum. Starfsmenn fyrirtækisins eru 17 talsins.
Þrátt fyrir að geta þjónustað öll tæki og tól mun Vélaverkstæði Þóris leggja sérstaka áherslu á þjónusta landbúnaðartæki frá Kraftvélum ásamt Iveco atvinnubifreiðum.
Þrátt fyrir að Pöttinger séu hvað þekktastir fyrir framúrskarandi heyvinnutækin sín bjóða þeir líka upp á
jarðvinnslutæki í hæsta gæðaflokki sem hafa nú þegar notið mikillar velgengni hér á landi.
Plógar • Herfi • Jarðtætarar • Sáðvélar
Við hvetjum áhugasama til þess að hafa samband við sölumenn Kraftvélar í síma 535-3500 fyrir allar nánari upplýsingar.
Það er með sannri ánægju sem við getum loksins staðfest að Kraftvélar mun taka við umboði Pöttinger á Íslandi en Pöttinger er öllum bændum og verktökum vel kunnugt vörumerki enda með langa sögu hér á landi og einstaklega breitt vöruúrval.
Í Bændablaðinu 22. apríl birtist heilsíða þar sem við í Kraftvélum kynntum okkur til leiks sem nýjan umboðsmann og látum við heilsíðuna fylgja með þessari tilkynningu.
Varðandi framtíð Fella heyvinnutækja þá er mörgu ósvarað í þeim efnum en Kraftvélar og Fella eiga að baki langt samstarf og er það sameiginlegt markmið beggja aðila að eigendur Fella upplifi enga hnökra í þjónustu tækjanna sinna þrátt fyrir að Kraftvélar muni formlega að hætta sem umboðsaðili Fella á Íslandi.
Við hlökkum til þess að selja og þjónusta Pöttinger vélar og hvetjum viðskiptavini til þess að setja sig í samband við sölumenn Kraftvéla fyrir allar nánari upplýsingar
Fjölmargir viðskiptavinir hafa sett sig í samband Kraftvélar til þess að athuga hver staðan sé hjá okkur og hvort einhverjar breytingar hafi átt sér stað varðandi sölu og þjónustu, við viljum því útskýra fyrir áhugasömum hvaða aðgerðir við höfum ráðist í á þessum tímum.
Áhrif COVID-19 á íslenskt samfélag hefur ekki farið framhjá neinum og erum við í Kraftvélum engin undantekning þar á.
– Starfsemi Kraftvéla er í fullum gangi og hefðbundinn opnunartími í öllum deildum nema varahlutaverslun sem lokar klukkutíma fyrr í apríl og maí. Við hvetjum viðskiptavini til þess að hafa samskipti við okkur í gengum síma og/eða tölvupóst svo hægt sé að lágmarka heimsóknir.
– Við höfum aðskilið allar deildir fyrirtækisins og sett upp sex mismunandi sóttvarnarsvæði innan fyrirtækisins. Starfsmönnum er ekki heimilt að fara á milli sóttvarnarsvæða nema nauðsyn þykir og þá eingöngu eftir góðan handþvott og handspritt.
– Við leggjum ríka áherslu á 2 metra fjarlægð á milli fólks og biðjum viðskiptavini að virða þær ráðlagningar sem Almannavarnir hafa lagt til.
– Allar starfsstöðvar eru sótthreinsaðar daglegar og aðkeypt hreingerningarþjónusta sér um almenn þrif og sótthreinsun á sameiginlegum snertiflötum á hverjum einasta degi.
– Flest allir af okkar birgjum hafa lokað framleiðsluverksmiðjum sínum en reyna eftir fremsta megni að halda varahlutavöruhúsum opnum til að geta þjónustað tækin.
Biðjum viðskiptavini um að takmarka heimsóknir til okkar og panta frekar í gegnum síma 535-3520 eða tölvupóst varahlutir@kraftvelar.is. Opnunartími varahlutaverslunnar í apríl og maí er 08:00 – 17:00.
– Starfsmenn á þjónustuverkstæði gæta fyllstu varúðar við meðhöndlun tækja í þjónustu með tilheyrandi hlífðarfatnaði, þrifnaði og aðgát.
Nánari upplýsingar um þjónustuverkstæðið í síma 535-3545 eða tölvupóstur verkstjorn@kraftvelar.is
Hafi viðskiptavinir okkar ábendingar um hvað mætti betur fara eða einhverjar sérstakar óskir munum við koma til móts við þær eftir fremsta megni.
Allar ábendingar eru vel þegnar á kraftvelar@kraftvelar.is eða í gegnum skilaboð á Facebook.
Nýr opnunartími er:
Mánudaga til fimmtudaga: 08:00-17:00
Föstudaga: 08:00-15:00
Tímabókanir þjónustuverkstæðis eru sem fyrr í síma 535-3545 eða tölvupósti verkstjorn@kraftvelar.is