Öll tæki, ný sem notuð, þurfa þjónustu og við hjá Kraftvélum höfum ávallt litið á það sem forgangsatriði að veita viðskiptavinum okkar bestu þjónustu sem völ er á hverju sinni. Við lítum svo á að sala marki einungis upphaf viðskiptasambands. Með öflugri þjónustu tryggjum við betri endingu og nýtingu tækjanna, viðskiptavininum til hagsbóta.
Kraftvélar hafa yfir að ráða fullbúnu verkstæði og þjónustubílum með öllum þeim sérverkfærum sem nauðsynleg eru til að bregðast við þeim verkefnum sem til okkar berast. Tæknimenn Kraftvéla eru vel menntaðir, búa yfir mikilli reynslu og sækja reglulega námskeið til að viðhalda þekkingu sinni og öðlast enn meiri færni. Leitast er við að þjónusta tækin á heimastöðvum þeirra en ef það er ekki hægt erum við í samstarfi við ýmsa flutningsaðila sem geta flutt tækin á þjónustuverkstæði. Auk þess eru Kraftvélar með samninga við þjónustuaðila út um allt land sem einnig sækja námskeið og upplýsingar til Kraftvéla.

SMURBÍLL

Við erum með sérútbúinn bíl sem kemur með alla smurþjónustu til þín. Við skiptum um síur og olíur og tökum til baka alla úrgangsolíur og síur.

Tímapantanir í síma 535-3580 eða á smur[hjá]kraftvelar.is

Einnig er hægt að panta tíma með því að ýta hér

KOMATSU CARE

Komatsu Care er viðhalds- og þjónustuáætlun sem Komatsu býður upp á. Komatsu Care fylgir frítt með öllum Komatsu vinnuvélum sem eru yfir 12 tonn*. Enginn annar vélaframleiðandi býður upp á þessa þjónustu.
Innifalið í Komatsu Care eru fríar þjónustuskoðanir í 3 ár eða 2.000 vinnustundir, hvort sem kemur á undan, ásamt síum, olíum, og fríum skiptum á KDPF mengunarbúnaðssíum í 5 ár eða 9.000 vinnustundir, hvort sem kemur á undan. Nánar um Komatsu Care hér.

Hægt að hafa samband við verkstæði okkar í síma 535-3580 eða nota fyrirspurnarformið hér fyrir neðan.

Opnunartími verkstæðis:

Mán – Fim  08:00-17:00
Fös  08:00-15:00

Nánari upplýsingar um þjónustu utan opnunartíma má finna hér.